السلام عليكم ورحمة الله وبركاته ..
ماهو المنتدى ..!!
المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك ..
وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ ..
فكيفك نجعل منتدانا هو الأفضل ..؟؟
الحل بسيط
أولاً : ( تشجيع الأعضاء الجدد )
هذي هي البداية وأنت أكيد تتذكر أول يوم جيت فية للمنتدى وكتبت موضوع وكم
تمنيت يرد علية الكل ،، وبتشجيعنا للأعضاء الجدد فنحن نحثهم على الأبداع
فمنهم سيخرج لنا كتاب رائعين في الأدب والشعر وكتاب متميزين في الصرقعه أو
في أي مجالات أخرى
والعضو الي دايم يكون الأول في الترحيب ،، حبيب وقلبه طيب
ثانياً : ( قبل أن تكتب أي موضوع في أي قسم معين يجب أن ترد على موضوعين أو ثلاث أو أكثر )
وهذا شئ مهم جداً ،، لأن هذا تواصل بين الأعضاء
وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر
وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل
ثالثاً : ( تشجيع المواضيع التي يكتبها أصحابها )
أن تكتب أنت موضوع بجهدك أفضل مليون مره من نقله أو
نسخه من منتدى ثاني فالمستفيد الوحيد هو صاحب الموضوع الذي كتبه بجهده
ولأنه موضوع رائع فالكل ينسخه وينشره في كل المنتديات ،، أكتب فكره أو
معلومه أو أنقل من كتاب أو مجلة مايستحق النشر
والعضو الي دايم يكتب مواضيعه بنفسه ،، هذا نشيط ومتميز
رابعاً : ( الكلمة السحرية )
وهي أن تكتب كلمة ( شكرا على هذا الموضوع ) كلمات قليله مراح تتعبك او تنقص من
قدرك او كبريئك المزيف ،، كثير مانشوف مواضع عدد قرائها فوق السبعين او
الثمانين ومن هولاء فقد يرد على صاحب الموضوع واحد او ثنين وأكثر الأحيان
تجد الموضوع خالي من أي رد ..!!
يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. اجل وشو له تشارك وتتعب عمرك
ويسمى العضو الي دايم يشارك ويحث الأعضاء على المشاركه ،، ياحبنيلك
خامساً : ( محاربة الشليلة )
هذا أكبر خطر يهدد أي منتدى وكثير من المنتديات هرب منها اعضائه لهذا السبب ،،
وشليلة هي أن يتفق الأعضاء ويقولون ( احنا والله شله ارتحنا لبعض ومانبي
واحد جديد يخش بينا ،، والاتفاق هو ترد على موضوعي ارد على موضوعك ) ويروح
فيها الضعيف ( العضو الجديد ) مايعطونه وجه لين يمل وينسحب من المنتدى ،،
لا ومن زين الطبايع بعدها بفتره يقلبون على بعض ويصير كل واحد يكتب موضوع
ولا يرد على الثاني ،، وخلاص انتهاء المنتدى وصار ممل والأصرف أنه يتقفل .
سادساً : ( التواصل بين الأعضاء )
التواصل بين الأعضاء في الأفراح نهنيهم وفي الأحزان
نواسيهم ( عاد تخيل نفسك مريض أو مسافر حتى أهلك مادروا عنك ،، وتجي
للمنتدى والكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو الي دايم يسأل عن الأعضاء ،، ياطيب القلب وينك . سابعاً : ( التقليل من المواضيع المنقولة )
بعض الموضيع مهمه ويجب أن تنقل وتنتشر في كل
المنتديات ،، لكن مسألة انك تشوف أي موضوع يعجبك وتنقله لا ويمكن يكتب عشر
مواضيع في اليوم ( تخصص قص ولصق ) هذي شئ يطفش ويجب العمى ( وشو له اشترك
في منتدى ..!! اجل اقراء صحيفه أو مجله أو أتابع الأخبار في التلفزيون
اصرف )
ويسمى هذ العضو ،،، مخربها
ثامناً : ( لاتصير خفيف وثقيل )
يجيك عضو يكتب كل يوم عشر مواضيع وفي كل قسم يحط له ست مواضيع من زود الفضاوه ،، ويالله يالله نرد على نص مواضيعه ولا نلحق . .
تاسعا : ( خلك ذرب )
يجي عضو يتعب ويكتب موضوع جاد ومهم ويتوقع أن بيرد عليه ويناقشه الكل ثم يجيك
ذاك العضو الي مايدري وين الله حذفه ويرد رد زي وجهه ،، الموضوع في شمال
وهو يرد بالجنوب ،، ويخرب الموضوع أو يقلبه تشات
( المواضيع الجاده والمهمه تحتاج الى رد جاد وبع.................ها المواضيع الساخره أو المصرقعه يرد عليها برد ساخر أو مهبول )
ويسمى العضو الي يرد برد في جهة والموضوع في جهة .. حووول. * وأخيراً *
المنتدى ليس بعدد أعضائه ،، بل بترابط أعضائه كالأسرة
الواحده وكما قال رسول الله عليه أفضل الصلاة وسلام ( مثل المؤمنين في
توادهم وتعاطفهم مثل الجسد إذا اشتكى منه عضو تداعى له سائر الجسد بالسهر
والحمى ) وقوله عليه السلام ( المؤمن للمؤمن كالبنيان يشد بعضه بعضا )
